ჟანგბადი
ჟანგბადი (თარგი:Lang-la) — ქიმიური ელემენტი, პერიოდულ რცხილს ჟანგბადიშ სიმბოლო რე — O, ატომური ნომერი 8; ფორმულა-
ჟანგბადი, მაჟირა არძაშ ეუმოსო გოფაჩლი ელემენტი რე დიხაუჩას, ნამუთ დიხაუჩაშ ქერქაშ მასაშ დოხოლაფირო 49% დო ედომუშამი მასაშ 28%-ის აკმადგინანს; მასუმა არძაშე გოფაჩილი ელემენტი რე ოქიანუს. დიხაუჩას ჟანგბადი კოველანტურო ვარდა იონურო არსხუ შხვა ელემენტეფს. ზოხო ჟანგბადი (მოლეკულური ორჟანგი O2, დიატომური მოლეკულა) მაართაშო დიდი მუდანობათ დიხაუჩას გორჩქინდჷ პელოპროტეროზოულ ერას (დოხოლ. 2,5-1,6 მილიარდი წანაშ კინოხ პერიოდის), მუჭოთ ორდოშიანი ანაერობეფიშ (არქეა დო ბაქტერია) მეტაბოლური ურთიართქიმინჯალაშ შედეგიქ. დუდიშული ჟანგბადიშ დიდი მუდანობათ გორჩქინაქ თიმბორჯიან ორგანიზმეფიშ უმენტაშობაშ ეშალაფა გჷმიჭანუ. ატმოსფერული დუდიშული ჟანგბადიშ ხვეიანობაქ გვიანიშ გეოლოგიურ ეპოქეფს ასეშა გჷმოჭანაფილი რე ფოტოსინთეზური ორგანიზმეფიშ - ოკიანეეფს ფიტოფლანქტონიშ დო ფურცელამი ჩანარეფით სქირონას - ჸოფათ. რჩქვანელობურ პიჯალეფს ჟანგბადიშ მოლეკულა ჟირ ატომიანი რე.