კვადრატი

კვადრატი

კვადრატი — ოთხკუნთხური, ნამუშ არძა ხასჷლა ტოლი რე დო არძა კუნთხუ მართიე.

კვადრატი ართდროულო რე პარალელოგრამი, რომბი დო მართკუნთხური. კვადრატი იხასიათებუ ჸათე ფიგურეფიშ არძა რჯებეფით:

1. კვადრატი, მუჭოთ პარალელოგრამი:

* პირდაპირი ხასჷლეფი ტოლი რე
* ართი ხასჷლაწკჷმა მადვალუ კუნთხუეფი აკმადგინანა 180 გრადუსის
* დიაგონალეფი გინოკვათუაშ აბანით ირთუ ჟირ ტოლი ნორთო
* პირდაპირი კუნთხუეფი ტოლი რე

2. კვადრატი მუჭოთ რომბი:

* არძა კუნთხუ ტოლიე
* დიაგონალეფი კუნთხუეფიშ ბისექტრისეფიე
* დიაგონალეფი ართიანიშ მართობული რე

3. კვადრატი მუჭოთ მართკუნთხური:

* ოთხი ხოლო კუნთხუ მართიე
* დიაგონალეფი ტოლიე

კვადრატიშ ფორმულეფი
ფართობი	$S=a^2$
პერიმეტრი	$P=4\cdot a$
დიაგონალი	$d=a\cdot \sqrt{2}$
გალენი წირეშ რადიუსი	$r=\frac{a}{2}\cdot \sqrt{2}=\frac{a}{\sqrt{2}}$
დინახალენი წირეშ რადიუსი	$r=\frac{1}{2}\cdot a=\frac{a}{2}$
ხასჷლაშ სიგჷრძა	$a$

რახანს კვადრატი პარალელოგრამიე, თიში ფართობიქ შილებე გიმითვალას პარალელოგრამიშ ფართობიშ ფორმულათ:

 * $S=ha$

(a რე ხასჷლა, ნამუსჷთ რე გერსხილი სიმაღალა) რახანს, კვადრატიშ სიმაღალა თიში ხასჷლაშ ტოლიე, თე ფორმულაქ შილებე ჸათაშ დითირას:

• $S=ab$ (a დო b კვადრატიშ ხასჷლეფიე)

ვარდა

• $S=a^2$

პერიმეტრი

კვადრატიშ პერიმეტრი რე თიში ხასჷლეფიშ სიგინძაშ ჯამი. თიქ შილებე გიმითვალას ფორმულათ:

• $P=a+a+a+a$

(a, a, a დო a კვადრატიშ ხასჷლეფიე)

რახანს კვადრატიშ კუნთხუეფი ტოლიე, თე ფორმულაქ შილეფე დიჭარას:

$P=4a$

რესურსეფი ინტერნეტის

• Definition and properties of a square